AIMS AND OBJECTIVES OF IWMP

K.Lalbuatsaiha, Faculty (NRM)
Extension Training Centre (SIRD)
Thingsulthliah

 

            Aims and Objectives of IWMP tih chu IWMP thil tum bulpui, project hmalakna hmanga, kawng hrang hranga hmasawnna hlen chhuah tur duanna leh chumi nei tura hmalak dan tur, a tlangpui ziahchhuah hi a ni.

          

  1. Thil nung tinrengte hi inring tawn leh inmamawh tawn vek kan ni, hei hi hre reng a, duat taka enkawl leh chumi tichhe tur laka ven. Kan nunna atana kan mawmawh- leilung (soil and land), tui leh thing leh maute humhalh.
  2. Tui hna tlem zel tur ven leh tuihna tipung tur zawng hmalak. Ruahtui a tam thei ang khawlkhawm a, ren tak leh tangkai taka heng- huan leh leilet, tui in tur leh sangha dil leh thil dang enkawl leh siam nana hman tangkai.
  3. Sik leh sa danglam zel tur veng tur leh siamtha zawnga hmalakna kalpui.
  4. Inhlawhna siam belh, retheihna tihkiam, thingtlangah mimal leh vantlang ngaihtuahna leh thil thlir dante kawng dik zawka hruai.
  5. Thingtlang mite’n lungrual taka hmansawnna hna thawk ho a, project hmanga thil siamte uluk taka enkawl a, chungte hmanga khuarel thil awmsate humhalhna lama hmasawnna thlen tir zel.
  6. Natural Resources Management – Leilung hausakna humhalh, enkawl, hman tangkai, tihpun (natural regeneration), chei that leh din thar.
  7. Eizawnna nghet (sustainable) siam – ram leilung, tui leh ngaw tichhe lo zawnga huan lo nghet, eizawnna tlak din.
  8. Miretheite eizawnna atan an thil neih hlawk zawka hman a, an dehchhuah leh lakluh tihhmasawn.
  9. Huap zo taka engkim kalpui (participatory approach). Thutlukna ah hmeichhe chanvo tih chak a, mawhphurtu zinga telh ve.
  10. Mireithei leh hmeichhe hamthatna kawng dap sak.
  11. Thiamna awmsa /eizawnna awmsa tih changtlun, chumi hmanga eizawnna nghet
  12. Ram nei lo te tan, SHG hmanga eizawnna kawng dap sak.
  13. Common Property Resources (vantlang intawm chi thil siamte) mirethei ten an hman tangkai ve dan dap sak.

 

 

 

IWMP thil tumte hi hetiang hian a then theih awm e:

  1. Natural Resources Management: Mihringte mamawh bulpui, Khuarel thil awmsa humhalh leh enkawlna lam hmalakna. Chungte chu:
  2. Land Management: Kum tin lei chung lang hang tha tam tak tui lian leh tuihawk vang te, leilung enkawl dik loh vangtein a luang ral thin. Hetiang reng a nih chuan kar lovah kan ram hi thlai chinna tlak lohin a awm thuai ang. Hei vang hian leitha kal ral zel tur kawng hrang hranga ven te, leitha siam belh te, lei da tawh tihthat zel te hi IWMP thil tum pawimawh tak a ni.
  3. Water Management: Tuihna a tlem zel a, lui tui a kangchat tam tial tial a, tui mamawhna a sang zel thung a. Tui hna awmsa tihpun leh humhalh, daihzai zawk leh tangkai zawka hman te, ruahtui khawl khawm te, leichhung rila tui awm tipung zel tura hmalak te hi a ni.
  4. Biomass Management: Biomass chuan watershed area chhunga thil nung chi hrang hrang, mihring cheng te, hnim to, thlai, thing leh nungcha lam te a huam a. Tichuan Biomass management chuan heng nunna nei thil hrang hrangte enkawl, hman tangkai leh humhalh leh vawnhim te, thlai chin nana hman tlak loh ramngaw a siamte a huam thei ang.
  5. Mirethei leh ram nei lote tan eizawnna: Project huam chhunga mirethei leh eizawnna tlak ram nei lote tan Self Help Group leh mimal anga eizawnna kawng dap sak. Sum tlem te puk tir a, chumi hmanga eizawnna bul tan sak.
  6. Tharchhuah tipung zawnga hmalak: Ram ngaw, tui emaw, ram leilung nei tha sa tawhte, an thil tharchhuah hlawk zawk leh tam zawka an thar theiha, eizawnna tlaka an hman theih nana hmalak pui leh tharchuah hrlahna lama hmalakna kalpui.
               ….Tichuan IWMP chu hetiang zawng hian kalpui tur a ni.

o  ram bua tawh siam that leh te

o  lei tha kal ral thin vawng him zawnga hmalak te

o  lei da tawh hman tlaka siam that leh te

o  ram bua tawh ngawa siam emaw, thlai chinna tlaka siam that te

o  tui hna kan neihte humhalh a, tihpun te

o  tuihna tam zawk neih theih nana ngaw siam emaw, kawng dang hmalak te

o  ruah tui tam zawk khawl khawm te

o  tui in tur hniang hnar zawk neih nana hmalak te

o  tui awmsa renchem a, tangkai zawk leh daihzai zawka hman te

o  ngaw leh nungcha awmsa humhalh tlat te

o  mihring ngaihtuahna kawng dika hruai te

o  a huhoa thawhhona siam te

o  project tawp hnu pawha sorkar puihna tel lo a hmasawnna kalpui thei tura ruhmanna mumal tak siam te

o  project hmanga thil siam a chhawrtute’n an enkawl zel te

o  khuarel thil awmsa-tui, lei lung, ngaw leh nungcha humhalh pawimawhna mipuite thinlunga tuh te

 

 Heng achunga tarlan takte tihhlawhtlin nan leh thingtlang mite’n eizawnna nghet an neih a, an tharchhuah a lo pun zawk theih nan horticulture, agriculture, fisheries leh thil dang hmanga hmalak hi ti ve theih a ni bawk. Amaherhawhchu eizawnna atana hmalakna ngawr ngawr hi IWMP thil tum a ni lo a, IWMP-in tihhlawhtlin a tumte hlenchhuah nana eizawnna lam hawia hmalakna ti ve theih a ni zawk a ni.

 

CLICK TO DOWNLOAD