One Day Workshop on Preparation of Gram Panchayat Development Plan for Head of Line Departments” neih a ni

Ni 26.10.2018 khan SIRD&PR Conference Hall – I & II, Durtlang Leitan, Aizawl-ah State Level leh District Level “One Day Workshop on Preparation of Gram Panchayat Development Plan for Head of Line Departments” neih a ni.

State Level Workshop hawnna hun Conference Hall-II a neih chu Pu Khuangthansanga Pakhuangte, Senior Core Faculty/Course Director chuan a kaihruai a. Workshop hawnna thuhma Pi Maria C.T. Zuali, Director, SIRD&PR chuan sawiin, Sustainable Development Goals (SDGs) tihlawhtling a, kum 2030-ah chuan retheihna umbo anih theih nan hmasawnna hi a bulthut, thingtlang kilkhawr ber atangin tan a ngai a. Chumi atan chuan ruahmanna (Plan) a hmangtu tur mipuite tel ngeia siam ni tawh rawh se, Central sawrkarin a tih avangin chu ruahmanna siam tur chuan Line Department hrang hrang ah Frontline Worker te ruat an ni a, mahse nangmahni thu lo chuan hma an la thei chuang lova, chuvangin GPDP/VDP chungchangah hian Workshop hi buatsaih a ni ta a ni a ti a. Zoram hmasawnna tura Workshop hlawk tak nei turin kalkhawmte a sawm a ni.

District Level Line Department Workshop hi Conference Hall-II ah neih niin, Dr. Margaret Lalbiakthangi, Sr. Core Faculty/Course Director chuan kaihruaiin, Dr. M.S. Dawngliani, Sr. Core Faculty (Agri) chuan thusawiin, District Level Official-te chu an hnuaia Frontline Worker-te’n he GPDP/VDP hi a hlawhtlin ngei theih nana hmalakpui tura sawmin, retheihna umbo a, hmasawnna tur ruahmanna tha khawtinin an neih theih nana tan la tlang turin kalkhawmte a sawm a ni.

He Workshop-ah hian Sustainable Development Goals (SDGs) chungchang te sawiho niin, Gram Panchayat Development Plan (GPDP) siam chungchanga hriattur pawimawh leh a siam dan phung te, People’s Plan Campaign siamna-a Line Department-te mawhphurhna te leh Frontline Worker-te mawhphurhna hrang hrang te inhrilhhriatna hun hman niin, zau taka sawiho na neih a ni bawk.

State Level Workshop-ah hian Head of Department leh an aiawh mi 27 an tel a, District Level-ah hian Aizawl District chhunga Department hrang hrang atangin mi 23 an tel bawk a ni.

District Level Workshop hi Mizoram chhung District hrang hrang ah neih a ni bawk.

Training Course on Multi Level Planning for Mizoram Civil Service Officers (Junior & Senior Grade) neih a ni.

Ni 26.7.2018 khan State Institute of Rural Development & Panchayati Raj (SIRD&PR), Mizoram, Durtlang Leitan buatsaihin SIRD&PR Conference Hall – I, Durtlang Leitan-ah ni 2 (hnih) awh tur “Training Course on Multi Level Planning for Mizoram Civil Service Officers (Junior & Senior Grade)” neih a ni.

Hawnna inkhawm hi Pu Khuangthansanga Pakhuangte, Senior Core Faculty, SIRD&PR-in a kaihhruai a, Pi Maria C.T. Zuali, Director, SIRD & PR chuan thusawiin, ruahmanna (planning) tha a awm loh chuan hmalakna leh hnathawhte a tha tak tak thei lo va, ram changkang zawkah te chuan ruahmanna (planning) hi an uluk em em thin a ni. Mizoramah pawh Panchayati Raj System hman tumin hma lak mek zel a ni a, chumi atan chuan ruahmanna (planning) hi a pawimawh em em a, Village Level atangin kan hmalakna leh hnathawh turah ruahmanna (plan) siam a ngaih dawn avangin chumi chungchang chu kan zir dawn a ni, a ti a.

Pi Maria-i chuan training nei tura kalkhawm MCS Officer-te chu ruahmanna (plan) siamna kawng hrang hranga tel thin an nih avangin an pawimawh em em a. Ruahmanna tha-ah chuan tun hun atan chauh ni lo, kum engngemaw zat lo awm tur thlengin a huam thin a ni, a ti bawk.

Ruahmanna tha tak kan siam ang a, chumi tihhlawhtling tur chuan taima tak leh tumruhna nen hma kan la ang a, hma kan sawn ngei ang, SIRD&PR Director chuan a ti.

SIRD&PR Director chuan MCS Officer-te chu kan Office hna pangngai bakah mipuite’n hma an sawn theih nana hma la a, mipuite zirtir fo hi kan tih tur a ni, a ti bawk.

Training tura MCS Officer 13 kalkhawmte hi Planning & Implementation Department, MZU leh SIRD&PR mithiamte’n zirtirna an pe dawn a ni.

Training on ICT Applications in RD through PFMS, PMAY-G and GPDP neih a ni

National Institute of Rural Development & Panchayati Raj, NERC, Guwahati leh State Institute of Rural Development &Panchayati Raj, Mizoram tangkawp buatsaihin ni thum (30.5.2018 – 1.6.2018) awh “Training on ICT Applications in RD through PFMS, PMAY-G and GPDP” chu SIRD&PR Conference Hall-II, Durtlang Leitan-ah 30.5.2018 khan tan a ni.

A hawnna inkhawm hi Pu Khawlsiamthanga Khawlhring, Sr. Core Faculty (Eco), SIRD&PR chuan kaihhruaiin, training nei tura kalkhawmte lawmna thu sawiin, training hlawk tak an neih theih nan taima taka training nei turin kalkhawmte a sawm a. (more…)

Tualchhung Inrelbawlna Tichak tura beihpuithlakna (Gram Swaraj Abhiyan) hman a ni

India Ram pumah Sawrkar laipui flagship Scheme pawimawh tak tak 7 te mipuite hnena a zau thei ang bera zirtirna leh hrilhhriatna 14th April – 5th May, 2018 chhung khan Tualchhung Inrelbawlna Tichak tura beihpuithlakna (Gram Swaraj Abhiyan) hman a ni a. Hemi hun chhung hian ni pawimawh bik ni 8 a awm a, chungte chu-

1. 14th April, 2018 : Social Justice Day (Samajik Nyaya Diwas)
2. 18th April, 2018 : Swachh Bharat Day
3. 20th April, 2018 : Ujjwala Diwas
4. 24th April, 2018 : National Panchayati Raj Day
5. 28th April, 2018 : Gram Swaraj Diwas
6. 30th April, 2018 : Ayushmaan Bharat Diwas
7. 2nd May, 2018 : Farmers Welfare Day
8. 5th May, 2018 : Aajeevika Diwas (more…)

Training of Master Resource Persons on Legal Literacy/Legal Rights neih a ni

Ni 19.04.2018 khan State Institute of Rural Development & Panchayati Raj (SIRD&PR), Mizoram leh Ministry of Law & Justice, Government of India buatsaihin ni hnih awh tur “Training of Master Resource Persons on Legal Literacy/Legal Rights” chu SIRD&PR Auditorium, Durtlang Leitan ah tan a ni. 

A hawnna inkhawm hi Pi Maria C.T. Zuali, Director, SIRD&PR in kaihruaiin Pi M. Zohmingthangi, Chairperson, Mizoram Women Commission chuan khuallin niin a hman pui a. Khuallian chuan Dan hi mitinin kan hriat a pawimawh a, khawtlang hruaitute zirtir chhawng leh turte tana training pawimawh tak mai buatsaih a ni chu lawmawm a tih thu sawiin. Hmeichhiate chunga hleilenna chi hrang hrangte hi a reh theih nan chuan  hmeichhiate chauhin Dan an hriat hi a tawk mai lo a, mipa te pawhin an hriat a pawimawh em em a ni a ti bawk. Khuallian chuan an training chhunga an thil zirte taima tak leh uluk taka zir a, midangte zirtir chhawng ngei tura chahin, training hi a hawng a ni. (more…)

Mid-Career Training for Mizoram Civil Service Officers neih a ni

Ni 16.4.2018 khan State Institute of Rural Development & Panchayati Raj (SIRD&PR), Durtlang Leitan-ah Chawlhkar 2 chhung awh tur Mid-Career Training for Mizoram Civil Service Officers chu neih tan a ni. Training hawnna hi Pu Lalzirmawia Chhangte, Secretary, MPSC chuan Khuallian niin a hmanpui.

Hawnna inkhawm hi Pi Maria C.T Zuali, Director, SIRDPR chuan a kaihhruai a. Hetiang course harsa taka buatsaih anih chhan chu MCS zingah Senior leh Junior Administrative Grade ni mek, kaisanna atan training hi nei tura tihmawkmawh alo nih tak avang leh sorkarin ti ngei tura a tih tawh vang a ni a ti a. (more…)

NI THUM CHHUNG AWH SIRD&PR FACULTY TE INTUAITHARNA NEIH A NI.

Ni 26 – 28.3.2018 chhung khan SIRDPR Conference Hall, Durtlang Leitan. Aizawl ah Ni thum chhung awh SIRDPR Faculty te intuaithar hun pawimawh tak mai chu neih a ni. He intuaitharna hi Pi Maria C.T Zuali, Director, SIRDPR chuan a hmanpui a. Hawnna thu sawiin, SIRDPR Faculty te chu engtiklai pawha intuaithar reng tur leh Central Schemes te phei chu bel a, zawh thut/sawm thut dawl reng turin a chah a. Fair taka lak leh midang training chhawng thei tura mithiam bik an nih avangin an thiamna leh hriatna te chu tipung reng turin a chah. (more…)

SIRD&PR, Kolasib, ETC-a hlan kai anih theih nan endik

Pu R.K. Singh, Under Secretary (Trg/Admn.), Ministry of Rural Development, New Delhi leh Dr. R.M. Pant, Director, NIRD&PR-NERC, Guwahati-te chuan SIRD &PR Office Durtlang Leitan-a sawn anih tak avangin Kolasib-a SIRD &PR Office thin chu Extension Training Centre-ah hlang kai tura dilna bawhzuiin, endik ngaite endik turin ni 27.2.2018 khan Aizawl an rawn thleng a.

Ni 28.2.2018 khan Kolasib-a SIRD&PR hmun hma tlawhin nileng-in hun an hmang a, ni 1.3.2018 khan Mizoram an chhuahsan leh a ni.