Training on Gram Pancahayat Development Plan

State Institute of Rural Development & Panchayati Raj (SIRD&PR), Mizoram buatsaihin Rashtriya Gram Swaraj Abhiyan (RGSA) hnuaiah Village Council member-te tan “Training on Gram Pancahayat Development Plan (GPDP)” training hi SIRD&PR Conference Hall, Durtlang Leitanah Phullen RD Block huamchhunga Village Council 12 te tan Dr. Margaret Lalbiakthangi, Sr. Core Faculty kaihhruaina in neih a ni.

Integrated Planning for Autonomous District Councils Training neih a ni.

National Institute of Rural Development & Panchayati Raj, North Eastern Regional Centre (NIRDPR-NERC), Guwahati leh State Institute of Rural Development & Panchayati Raj (SIRD&PR), Mizoram, Durtlang Leitan tangkawp buatsaih “Integrated Planning for Autonomous District Councils (ADC)” Training ni nga chhung awh chu 15.2.2017 khan Pu Rodney Lalrinawma Ralte, Secretary, District Council Affairs, Government of Mizoram chuan SIRD&PR Conference Hall, Durtlang Leitan-ah a hawng.

 

Training hawnna thu sawiin, Pu Rodney-a chuan hmasawnna kawng zawh tur chuan ruahmanna tha a pawimawh a, United Nation pawhin Khawvela retheihna um bo anih theih nan ruahmanna te a siam a, chutiang ang bawk chuan keini pawhin kan huamchhungah hmasawnna tha a awm theih nan leh retheihna um bo na atan ruahmanna tha kan siam a pawimawh a. Sawrkar Scheme/Programme hrang hrang te kaihkawp (convergence) thiam te pawh hmasawnna atan a pawimawh hle a ni. Chutiang tur chuan ruahmanna (Plan) te pawh kan s i a m a pawimawh a ni a ti. Training tura kalkhawmte chu hlawkpui ngei tura taima taka an District Council tana Training nei turin a sawm a ni. Training hawnna hun hi Pi Maria C.T. Zuali, Director, SIRD&PR, Mizoram kaihhruaiin, Training nei tura  hmun hrang hrang atanga rawn kal khawmte lawmna thu sawiin, NIRD&PR-NERC in he Training thleng tura a thlan avangin lawmthu a sawi bawk a ni.

Training Course Director Dr. M.K. Shrivastava, Assistant Professor, NIRD&PR-NERC, Guwahati chuan Training neih dan tur tlangpui sawiin, India hmarchhak State hrang hrang atanga Autonomous District Council-a Officer chin tana he Training hi buatsaih anih thu a sawi bawk a ni.

He Training hi 18.2.2017 khan a kharna hun  hman a ni a, Pi R. Zomuanpuii, Councillor, Ward No. – I, Aizawl Municipal  Corporation (AMC) chu khuallian niin, Training zo te hnenah Certificate a hlan nghal a ni.

Pi R. Zomuanpuii chuan Training pawimawh tak mai NIRD&PR-NERC, Guwahati leh SIRD&PR, Mizoram tangkawpin an buatsaih chu lawmawm a tih thu sawiin, Autonomous District Council-te’n hma an sawn theih nan ruahmanna tha a pawimawh em em a, chutiang ang zirna hun an nei thei chu an vannei hle a ni, a ti a. An thil zirte chu an District Council leh thingtlang hmasawnna atan tangkai taka hmang turin India hmarchhak-a ADC hrang hrang atanga Officer rawn kalkhawmte chu a chah a ni.

Training kharna hun hi Pi Maria C.T. Zuali, Director, SIRD&PR, Mizoram chuan kaihhruaiin, Training tluang taka an zawh theih avanga lawmthu sawiin, an District Council theuh tana thil tha an zir chhuah theuh a beisei thu a sawi bawk a ni.

Pu Khawlsiamthanga Khawlhring, Deputy Director, SIRD & PR, Mizoram leh he Training-a Course Coordinator chuan lawmthu sawina a nei a ni.

Training chhung hian Course Director leh Mizoram  University mithiam te’n kalkhawmte hi zirtirna an pe a ni.

Training on GPDP for VCPs and Vice Presidents

State Institute of Rural Development & Panchayati Raj (SIRD&PR), Mizoram buatsaihin Village Council member-te tan “Training on Gram Pancahayat Development Plan” heng hmunah te hian 18 – 20.1.2017 chhung khan neih a ni.  SIRD&PR Conference Hall, Durtlang Leitan-ah Reiek leh Aibawk RD Block huamchhunga Village Council thlante pualin Dr.Margaret Lalbiakthangi, Sr. Core Faculty kaihhruaina in neih a ni.

Workshop on Cashless Transaction

SIRD&PR Auditorium, Durtlang Leitan-ah 9.1.2017 khan “State Level Workshop on Cashless Transaction” neih a ni. He Training hi Secretariat, Rural Development Department leh State Institute of Rural Development & Panchayati Raj, Mizoram tangkawpin an department chhunga thawkte tan a buatsaih a ni. 

He training hi Pi Maria C.T Zuali, Director, SIRD&PR, Mizoram chuan a hawng a. Course Director Pu Khawlsiamthanga Khawlhring, Deputy Director, SIRD&PR leh Pu Hlimpuia, Manager, SBI Bawngkawn Branch, Pu R. Dengchhunga, Technical Officer, NIELIT leh Pu Samuel Rodailova, Associate, SBI Bawngkawn-te’n zirtirna an pe a ni. Workshop-ah hian tunlaia India ramah Sorkar laipuiin a ngaihpawimawh tak em em, Cashless Transaction pawimawhzia leh hmalak dan tur te sawiho a ni a. 
(more…)