NI THUM CHHUNG AWH SIRD&PR FACULTY TE INTUAITHARNA NEIH A NI.

Ni 26 – 28.3.2018 chhung khan SIRDPR Conference Hall, Durtlang Leitan. Aizawl ah Ni thum chhung awh SIRDPR Faculty te intuaithar hun pawimawh tak mai chu neih a ni. He intuaitharna hi Pi Maria C.T Zuali, Director, SIRDPR chuan a hmanpui a. Hawnna thu sawiin, SIRDPR Faculty te chu engtiklai pawha intuaithar reng tur leh Central Schemes te phei chu bel a, zawh thut/sawm thut dawl reng turin a chah a. Fair taka lak leh midang training chhawng thei tura mithiam bik an nih avangin an thiamna leh hriatna te chu tipung reng turin a chah.

He training-ah hian SIRDPR Core Faculty, ETC Principal, Faculty leh DPRC hnuaia Faculty mi 23 zet an tel thei a. Central Scheme 10 zet atan intuaithar niin, Faculty ten thupui hrang hrang an sawi hawng a. Chungte chu zawhna leh sawi belhna hun hawn zel a ni a. Thusawitu in thu a sawi zawhah a thusawi chungchanga amah inenletna (Evaluation) lehkha siam a ni a, Mark pek zel an ni bawk. Training tawp ni in training a tel zawng zawng hnenah thupui sawitute thusawiah an chiang tawk em tih inenletna tur lehkha buatsaih leh a ni bawk. He training hi Faculty ten hlawkthlak an ti a, tih fo atan an duh thu an sawi.

 

Course Director hi Pu Khuangthansanga Pakhuangte, Sr. Core Faculty (PA), SIRDPR a ni.