Barefoot Technician Training hawnna leh Certificate semna neih a ni

State Institute of Rural Development &Panchayati Raj (SIRD&PR), Mizoram buatsaih ‘Barefoot Technician Training (3rd Batch)’ hawnna leh 1st leh 2nd Batch-a training chhuakte hnenah Certificate semna 24.1.2018 khan SIRD&PR Auditirium-ah neih a ni a. Pu Paul L. Khuma, Under Secretary, Rural Development/Nodal Officer, BFT, Mizoram chuan khuallian niin a hmanpui.


Pu C. Lalthlansanga, Faculty (RE)/Assistant Engineer, SIRD&PR chuan he hun hi kaihruaiin, Pu Paul-a chuan Mahatma Gandhi National Rural Employment Guarantee Scheme (MG-NREGS) hnuaia thawk Technical Assistant (TA) te an indaihlo em em a, chuvang chuan hnathawhte pawh duhthusam a ni lo fo thin a ni. Chuvangin MGNREGS hnuaia kan hnathawhte a lo that zawk theih nan te leh a lo tlo zawk theih nan te Barefoot Technician hi Ministry of Rural Development (MoRD)-in din tura a rel anih thu a sawi a.

Ni 90 chhung training kan nei a, hemi hun chhung hian kan hnathawhna tur atana pawimawh leh tul tak tak te kan zir a, kan thil zir te kha a hman a hunah kan hman tangkai thiam a tul hle dawn a ni, Pu Paul-a chuan a ti a. An hnathawh danin in hmakhua thui tak a hril dawn a ni a ti.

BFT Nodal Officer chuan BFT-te chu Technical Assistant-te puibawmtu tur an nih thu sawiin, MGNREGS hnuaia hnathawk mi harsa zawkte leh ram tan mi tangkai ni turin BFT-te chu a sawm a ni.

 

Pi Maria C.T. Zuali, Director, SIRD&PR pawhin thusawiin, MGNREGS chu Mizoram-ah kan kalpui rei tawh ngaihtuahin

BFT 3rd Batch

duh angin kan hmang tangkai tawk lo deuh ni-a a lan thu sawiin, technical lamah hmasawn kan ngai a, Technical Assistant-te puitu tur annih avangin technical lamah pawh hma kan sawn ngei a beisei thu sawiin, taima taka hnathawk turin a sawm a.

Mizo-te hi a ziah (paper works) lamah kan taima tawk lo fo a, Barefoot Technician-te chu paper works-ah pawh taima taka thawk tura sawmin, BFT 3rd Batch training turte pawh an thil zir turte thiam ngei tum a, Mizoram tana mi tangkai, chhawrnaawm tak ni tura taima tak leh tih tak zeta training turin SIRD&PR Director chuan a sawm a ni.

Barefoot Technician (BFT) first batch (mi 35) leh second batch (mi 30) te hnenah Certificate sem niin, third batch-ah hian mi 35 te’n ni 90 (thla 3) chhung training hi an nei ve leh dawn a ni.