Social Impact Assessment for Newly Recruited Field Investigators

 

Vawiin khan SIRD&PR , Mizoram buatsaih, “Training Course for Social Impact Assessment for Newly Recruited Field Investigators” chu Pu R. Lalramnghaka, Secretary, Land Revenue & Settlement,  chuan SIRD&PR Auditorium, Durtlang Leitan ah a hawng. He training hian Dt 2-5, 5, 2017 thleng a awh ang.

He training hawnna programme hi Pu Khawlsiamthanga Khawlhring, Deputy Director, SIRD&PR in a kaihruai a. Dr. M.S Dawngliani, Principal, ETC, Pukpui-in Technical Report a pe. Training-ah hian Pu R. Lalramnghaka, Secretary, Land Revenue & Settlement chu Khuallian niin, participant-te fuihna thu a sawi a. Field Investigator te chu taima leh rinawm taka thawk turin a chah a; an hna thawh kal tlangin chhawmdawlna dawng tur tak ten an dawn ngei theihna tura thahnem ngai turin a chah bawk. Tin, sorkar-in land
acquisition lam mithiam leh pawl ho chhawr mai tur a mamawh thin thu sawiin, chutianga chhawr theih tura intuai hriam tur leh rinchhan tlak ni thei tura inbuatsaih turin a sawm bawk.

Training-ah hian Social Impact Assessment zir chiannate, Mizoram revenue law te, land acquisitions chungchangte, governance systems in Mizoram te, role of local investigator under SIA te, Participatory Rural Appraisal te, Focus Group Discussion te an zirtir ang a. Tin, field practical work an neihpui bawk ang a, an neih zawhah trainee-te chuan practical work report an pe nghal bawk ang.

                   

                          Sd/-
(KHAWLSIAMTHANGA KHAWLHRING)
                 Deputy Director
State Institute of Rural Development &
                  Panchayati Raj
         Mizoram :Durtlang Leitan