Social Audit Capacity Building Plan Training neih a ni.

 

State Institute of Rural Development & Panchayati Raj (SIRD&PR) Conference Hall, Durtlang Leitan ah thla khat (Feb. ni 2 atanga March ni 4 thleng) awh tur “Training on Social Audit Capacity Building Plan (2nd Batch)” chu 2.2.2017 khan Pi K. Lalrinzuali, Addl. Secretary, Rural Development Department chuan khuallian niin a hawng.

Training hawnna hi Pi Maria C.T. Zuali, Director, SIRD&PR in a kaihruai a. Khuallian chuan Social Audit  hi Central Sawrkarin a ngai pawimawh em em a, Mizoram pawh Social Audit Unit Directorate nei hmasa pawl kan ni ta, a lawmawm hle a ni, a ti.

Training nei tura lo kal khawmte chu mipuite nena MGNREGS hnuaia hnathawh diklo te siamtha tu tur in ni a, chuvangin mi dik lohna hailan tum ringawt lova, thil dik lo te siamtha a, thingtlang mite harsatna sukiang tura hma la thin tura fuihin, fimkhur tak leh dik taka hna thawk turin a sawm a. Mizoram tana mi pawimawh an ni tih inhre chunga taima taka training nei turin a sawm a ni.

He training-ah hian Pu Lalrinzuala Chawngthu chu Lead Course Coordinator a ni a. Course member dang te chu Pu Lalthanmawia Ralte (SIRD Coordinator), Pu Khuangthansanga Pakhuangte(Master Trainer), Pu F.Vanlalzama (Master Trainer), Pu Benjamin Z. Renthlei (SAU Coordinator) leh Pu C.Lalthlansanga (SIRD Coordinator) te an ni.

He Training hi Pu V. Lalduhzuala, Director, SAU, Mizoram-in Khuallian niin a khar a ni. Training ah hian Social Audit Unit (SAU) hnuaia District Resource Persons (DRP) mi 28 an tel a ni.