Training of Master Resource Persons on Legal Literacy/Legal Rights neih a ni

Ni 19.04.2018 khan State Institute of Rural Development & Panchayati Raj (SIRD&PR), Mizoram leh Ministry of Law & Justice, Government of India buatsaihin ni hnih awh tur “Training of Master Resource Persons on Legal Literacy/Legal Rights” chu SIRD&PR Auditorium, Durtlang Leitan ah tan a ni. 

A hawnna inkhawm hi Pi Maria C.T. Zuali, Director, SIRD&PR in kaihruaiin Pi M. Zohmingthangi, Chairperson, Mizoram Women Commission chuan khuallin niin a hman pui a. Khuallian chuan Dan hi mitinin kan hriat a pawimawh a, khawtlang hruaitute zirtir chhawng leh turte tana training pawimawh tak mai buatsaih a ni chu lawmawm a tih thu sawiin. Hmeichhiate chunga hleilenna chi hrang hrangte hi a reh theih nan chuan  hmeichhiate chauhin Dan an hriat hi a tawk mai lo a, mipa te pawhin an hriat a pawimawh em em a ni a ti bawk. Khuallian chuan an training chhunga an thil zirte taima tak leh uluk taka zir a, midangte zirtir chhawng ngei tura chahin, training hi a hawng a ni.

SIRD&PR Director, Pi Maria-i chuan SIRD&PR hian Dan lam hi kan la khawih tam lo hle a, mahse India ram Danpuiin mipuite intluktlang tura min tih laiin, mi rethei leh harsa zawkte’n an chanvo pawh hre lo a an awm hi hriattir an ngai a ni a ti a. Taima taka training nei turin kalkhawmte a sawm a ni.

He training chhung hian thupui hrang hrang –

  1. Inchhung khura hmeichhiate chunga hleilenna (Domestic Violence)
  2. Mihring hmanga sumdawnna (Human Trafficking)
  3. Khua leh tuite dikna chanvo leh mawhphurhnate (Fundamental Rights & Duties)
  4. Mizo Inneih, Inthen leh Rokhawm Dan, 2014 leh
  5. Cyber Crime chungchangte zirhona neih a ni ang.

He training programme hi Dr. Lalhruaitluangi Sailo, Core Faculty (SIRD&PR) kaihhruaina hnuaiah neih a ni a, Pu K. Remruatfela, Advocate, Zoram Law Consultancy leh Pu Lalengzuala, Information Officer, ICT Department, Government of Mizoram te’n zirtirna an pe a ni.

He training hi Village Council-te hnena zirtirna pe chhawng tur leh a zau thei ang bera Dan leh Hrai chungchang puanzar anih theihna tur a buatsaih a ni. SIRD&PR leh Extension Training Centres (ETC) Faculties, college hrang hrang zirtirtute, SIRD&PR hnuaia Master Resource Person (MRP) leh Social Impact Assessment (SIA) hnuaia Field Investigator te, an vaiin mi 40 chuang an tel a ni.