Training on ICT Applications in RD through PFMS, PMAY-G and GPDP neih a ni

National Institute of Rural Development & Panchayati Raj, NERC, Guwahati leh State Institute of Rural Development &Panchayati Raj, Mizoram tangkawp buatsaihin ni thum (30.5.2018 – 1.6.2018) awh “Training on ICT Applications in RD through PFMS, PMAY-G and GPDP” chu SIRD&PR Conference Hall-II, Durtlang Leitan-ah 30.5.2018 khan tan a ni.

A hawnna inkhawm hi Pu Khawlsiamthanga Khawlhring, Sr. Core Faculty (Eco), SIRD&PR chuan kaihhruaiin, training nei tura kalkhawmte lawmna thu sawiin, training hlawk tak an neih theih nan taima taka training nei turin kalkhawmte a sawm a.

Course Director Pu Partha Pratim Bhattacharjee, Assistant Professor, NIRD-NERC, Guwahati chuan NIRD&PR hnathawh leh training buatsaih dan hrang hrang te leh training kalphung tur tlangpui sawiin, Scheme hrang hrang te dik leh fel taka kalpui a nih theih nan te, scheme chhawr tangkaitute leh fund kal danah PFMS hman a ngaih tak avangin PFMS chungchang hi kan zirho dawn a ni, a ti a. Training hlawk tak neih anih theih nan training nei tura kalkhawmte chu taima taka training nei turin a sawm a ni.

Course Director te, Pu Paul L. Khuma, Under Secretary, RD Department te, Pu Andrew Lalbuatsaiha, MIS Nodal Officer, RD Department te, Pu Samuel F. Lalremruata, Faculty (PMU), SIRD&PR te leh SPMU, Mizoram atanga mithiam ten kalkhawmte zirtirna an pe a, Field Visit neih a ni bawk.

He training-ah hian CAU Professor te, PD, DRDA te, Senior Scientist & Head, KVK te, BDO te, ACF te, DLAO te leh Officer dangte, an vaiin mi 30 he training-ah hian an tel a ni.