Tualchhung Inrelbawlna Tichak tura beihpuithlakna (Gram Swaraj Abhiyan) hman a ni

India Ram pumah Sawrkar laipui flagship Scheme pawimawh tak tak 7 te mipuite hnena a zau thei ang bera zirtirna leh hrilhhriatna 14th April – 5th May, 2018 chhung khan Tualchhung Inrelbawlna Tichak tura beihpuithlakna (Gram Swaraj Abhiyan) hman a ni a. Hemi hun chhung hian ni pawimawh bik ni 8 a awm a, chungte chu-

1. 14th April, 2018 : Social Justice Day (Samajik Nyaya Diwas)
2. 18th April, 2018 : Swachh Bharat Day
3. 20th April, 2018 : Ujjwala Diwas
4. 24th April, 2018 : National Panchayati Raj Day
5. 28th April, 2018 : Gram Swaraj Diwas
6. 30th April, 2018 : Ayushmaan Bharat Diwas
7. 2nd May, 2018 : Farmers Welfare Day
8. 5th May, 2018 : Aajeevika Diwas

Heng ni pawimawh bikah te hian SIRD&PR Mizoram chuan tualchhunga milarte hmangin Video Clip siamin, DDK, Aizawl; Zonet leh LPS ah te tihchhuah a ni.

Gram Swaraj Abhiyan hmang hian State Institute of Rural Development & Panchayati Raj (SIRD&PR), Mizoram chuan Adopted Village-a thlan zing a mi Hmuifang khua-ah Special Gram Sabha neih a ni a, Extension Training Centre (ETC) te pawhin khaw thlanbik theuhah Special Gram Sabha hi an huaihawt bawk.

SIRD&PR, Mizoram buatsaihin 18.4.2018 khan Community Hall, Hmuifang-ah ‘Special Gram Sabha’ neih a ni a. He hun hi Dr. M.S. Dawngliani, Sr. Core Faculty chuan kaihruaiin, Pi Maria C.T. Zuali, Director, SIRD&PR, Mizoram chuan khuallian niin a hmanpui a.

SIRD&PR Director chuan hmasawnna hi hmuh theiha kan thilsiam chi hrang hrang te ringawt hi hmasawnna a ni lova, hmasawnna kawngzawh tura kan rilru leh ngaihtuahna thlak a, hmasawnna kawng zawh tura kan nun dan thin tha lo te thlak a, hmasawn tura tan lak a ni, a ti.

Pi Maria-i chuan Central Schems pasarih: Pradhan Mantri Ujjwala Yojna (LPG Gas Connection BPL hmeichhiate tana Connection free-a pekna Scheme) ; Saubhagya (In zawng zawng electric eng pek vekna tur Scheme) ; Ujala Scheme (LED Bulb tlawm zawka pekchhuahna Scheme); Pradhan Mantri Jan Dhan Yojana (Bank Service mitinte neih theihna, Bank Account opening balance awmloa hawn theihna Scheme); Pradhan Mantri Jeevan Jyoti Bima Yojna (Life Insurance); Pradhan Mantri Suraksha Bima Yojana (Accident avanga Insurance tihna scheme) leh Mission Indradhanush (Hriselna atana hmalakna mission, naupang kum 2 hnuailam leh nu naupai tana vaccine lakna tur) te sawi zauna a nei bawk.

Pu Lalbiakfela, BDO, Aibawk te, Dr. Simhachalam Alajangi, Asst. Professor, NIRD&PR-NERC, Guwahati te, President, Village Council, Hmuifang te’n thu an sawi a, Pu John Lalnunsanga, Faculty, SPRC, SIRD&PR chuan lawmthu sawiin hun a khar a ni.

 

Hemi hnu hian Special Gram Sabha neih chhunzawm niin, MGNREGS chungchang te, NSAP chungchang te, Hriselna leh Faina leh Thianghlimna chungchang te, State Finance Commission a\anga sum dawn dan leh hman dan te leh DDUGKY chungchang te sawiho niin, zawhna leh chhanna hun hman niin, mipuite’n an hriat duh te zawkin, chhan nghal zel a ni bawk.

 

Ni 24.4.2018 zing dar 7:00 khan Sesawng khua-ah Extension Training Centre (ETC), Thingsulthliah huaihawtin Gram Sabha (Vantlang Rorel Inkhawm) neih a ni.

Gram Sabha hi Pu Lalthanmawia Ralte, Principal, ETC, Thingsulthliah chuan kaihruaiin, Pu Ralthansanga, Village Council President chuan inlawmna thu a sawi a. Pi Lalzikpuii, BDO, Thingsulthliah RD Block chuan Thingsulthliah RD Block hnuaia hmalakna hrang hrang te sawifiahin, hmasawnna tak tak a awm theih nan mipuite \angrual turin a sawm bawk a ni.

Pu K. Lalbuatsaiha, Faculty (NRM), ETC, Thingsulthliah chuan Padhan Mantri Ujjwala Yojana (PMUY) te, Saubhagya (Pradhan Mantri Sahaj Bijli Hae Ghar Yojana) te, Ujala Scheme leh Mission Indradhanush chungchang te mipui kalkhawmte hnenah a sawifiah a.

Hemi hnu hian Pu R. Vanlalmuanpuia, Faculty (CD), ETC, Thingsulthliah hnen a\angin Pradhan Mantri Jan Dhan Yojana (PMJDY), Pradhan Mantri Jeevan Jyoti Bima Yojana leh Pradhan Mantri Suraksha Bima Yojana chungchang te ngaihthlak a ni bawk.

Pu C. Lalropianga, APO, MGNREGS, Thingsulthliah RD Block hnen a\angin MGNREGS – Aadhar Seeding & e-FMS chungchang ngaihthlak leh a ni.
Hemi hnu hian Gram Sabha (Vantlang Rorel Inkhawm) neih a ni.

Extension Training Centre (ETC) dang Pukpui, Lunglei chuan 27.4.2018 khan Gram Sabha hi Vanhne-ah an buatsaih a, ETC, Kolasib pawhin New Builum-ah ni 3.5.2018 khan an nei bawk.