Right to Information Act, 2005
GUIDELINES  FOR
INFORMATION SEEKERS / APPLICANTS

 T H U H M A H R U A I

India sawrkar laipuiin kum tin atan a  remruatna angin, nikum 2011 khan  Mizoram-ah  RTI Week hi a vawikhatna atan  October 5, 2011 atanga  October 12,  2011 chhungin,  Mizoram Information Commission bul tumin, Directorate of Information & Public Relations leh District Authorities- te nen a tang tlangin, hlawhtling tak a hman a lo ni tawh a.  Mizoram Chief Minister zahawm tak, Pu Lal Thanhawla,  Chief Guest chuan RTI Week, 2011 chu ropui takin Vanapa Hall, Aizawl-ah a hawng a ni.  Mizoram District tinah hman niin, State Chief Information Commissioner leh Commission-a thawk  Officer-ten Lunglei leh Serchhip-ah he Hapta hi an hmanpui a.  He hapta denchhen  hian RTI Leaflets-te, RTI Banners-te siam a nih bakah,  SPIO leh Information Seekers-te kaihhruaina atan RTI Booklets  pawh buatsaih a lo ni tawh a. Hengte hi Mizoram hmun hrang hrangah darh zau tak a sem an ni a.  A senso hi Department of Personnel & Training, Govt. of India rawn tum a ni.
   
RTI Week, 2011 kan hman atangte leh Mizoram Information Commission hnathawh chhoh zelah,  RTI lama inkaihhruaina (Guidelines) siam belh hi thil tul tak leh tih makmawh niin kan hria a. Chuvang chuan sum kum hmasa a kan hman ralna leh tun kum atana kan  mamawh dante Sawrkar laipuiah kan hriattir  a; kan dil angin kum 2012 RTI Week hmanna tur pawisa pawh min rawn pe leh ta a.

Hei vang hian kan Booklet siam tawhsa belhchhahin tunah hian Information Seekers/Applicants Kaihhruaina leh Departmental Appellate Authority (DAA), State Public Information Officer (SPIO), State Assistant Public Information Officer (SAPIO)-te Kaihhruaina, a hran ve vein,  kimchang leh zualin kan han buatsaih leh ta a ni.
   

He Booklet hi RTI Act chungchang a inkaihhruaina tlangpui tarlanna a ni a; innghahna ber atan chuan The RTI Act, 2005 leh The Mizoram RTI Rules, 2010-te hman tur a ni.  He booklet-ah hian a copy-te pawh dah tel a ni.
   
He Kaihhruaina bu hi Information Seekers/Applicant-te leh midang a hmangtute tan tangkai tak a  nih ka beisei .

 
Dated Aizawl,                                                                                                                        LAL  DINGLIANA  IFS (Rtd.)
October, 2012                                                                                                          State Chief Information Commissioner,
                                                                                                                                            Mizoram Information Commission
                                                                                                                                                        Mizoram : Aizawl

 

Download PDF 

RTI – Guidelines for Information Seekers

RTI manual (MIZO)

RTI manual (English)